[நோன்பு]


‘நம்பிக்கை கொண்டோரே! நீங்கள் (இறைவனை) அஞ்சுவதற்காக உங்களுக்கு முன் சென்றோர் மீது கடமையாக்கப்பட்டது போல் உங்களுக்கும் குறிப்பிட்ட நாட்களில் நோன்பு கடமையாக்கப்பட்டுள்ளது.’ (அல்குர்ஆன் 2:183)


فَمَن شَهِدَ مِنكُمُ الشَّهْرَ فَلْيَصُمْهُ 

‘உங்களில் அம்மாதத்தை சாட்சி பெற்றவர் அதில் நோன்பு நோற்கட்டும்.’ 
(அல்குர்ஆன் 2:185)

ரமளான் வந்து விட்டால் வழக்கம்போல முஸ்லிம்களிடம் பல சர்ச்சைகள் உருவாகி விடும், அதில் முதன்மையானது ரமளானை தீர்மானிக்கும் பிறை. 


பிறை பார்த்து நோன்பை அடைவது உலகெங்கும் ஒரே நாளிலா, அந்தந்த நாடுகளுக்கா, அந்தந்தப் பகுதிகளுக்கா, மாநிலங்களுக்கு தனி பிறையா, உள்ளூர்  டவுன் ஹாஜிகளின் அறிவிப்பிலா, ஜம்மியத்துல்  உலமா தீர்மானத்திலா என்று முஸ்லிம்களுக்கு மத்தியில் மாறுபட்ட கருத்துக்கள் எழும். நாம் எப்படி முடிவு செய்வது ?? 


ஏனெனில் சில ஊர்களில் (நம்மூர் உட்பட) பலர் நோன்புடன் இருக்கும் போது பலர் பெருநாளில் இருக்கிறார்கள். பெருநாள் கொண்டாட்டங்களில் நோன்பு அல்லது நோன்பு நாளில் பெருநாள் கொண்டாட்டம். இது முறையா... 


இன்னும் சில ஊர்களில் மூன்று நாட்கள் பெருநாள் தொழுகை நடக்கின்றது. இது எந்த வகையில் நியாயம்? 


வணக்க வழிபாடுகள் அனைத்திலும் ஒரே சீராக இயங்க வழிகாட்டும் இஸ்லாம் நோன்பில் மட்டும் வழிகாட்டவில்லை என்பது போல நாம் அலட்சியமாக இருக்கக் கூடாது. 


எனவே இது குறித்து ஆதாரங்களை அலசுவோம். எது சரியோ அதை நாமும் பின்பற்றி நம் குடும்பங்ளுக்கும் தெரிவிப்போம் என்ற அடிப்படையில் "ரமளான் பிறை"யை உங்கள் பார்வைக்கு வைக்கிறோம். 


~~~~~~~~~~~~~~~~~~~~~~~~~~~~~~~~~~~~~~~~~~~~~~
ரமழான் மாதம் -- கர்ப்பிணித் தாய்மார்களும் பாலூட்டும் தாய்மார்களும் பிரயாணியும்

அல்லாஹ் பிரயாணிக்கு நோன்பையும், தொழுகையின் அரைவாசியையும் எடுத்துவிட்டான். மேலும் கர்ப்பிணிக்கும், பாலுட்டும் தாய்க்கும், நோன்பு வைப்பதை எடுத்துவிட்டான். என்று நபிகள் நாயகம் صلى الله عليه و اله و سلم‎ அவர்கள் கூறினார்கள்.’ (ஹதீஸ் சுருக்கம்); (அறிவிப்பவர்: அனஸ் பின் மாலிக் (ரழி), நூல்: அஹ்மத்-20326)


இப்னு உமர் (ரழி) அவர்களிடம் கர்ப்பிணிப் பெண் ஒருத்தி (நோன்பு சம்பந்தமாக) கேள்வி கேட்டார். அதற்கு இப்னு உமர் (ரழி) அவர்கள் நீ நோன்பை விட்டு விடு. (அதற்கு பகரமாய்) ஒரு நோன்பிற்கு ஒரு ஏழைக்கு உணவு கொடு. விட்ட நோன்பை மீண்டும் நோற்காதே.’ (நூல்: தாரகுத்னி பாகம்-2,பக்கம்-205,207)

‘இப்னு அப்பாஸ் (ரழி) அவர்கள் 2:184 ஆவது வசனத்தை ஓதி, இந்த சட்டம் மாற்றப்பட்ட வசனம் அல்ல. நோன்பு நோற்க இயலாத தள்ளாத முதியவரையும் தள்ளாத வயதுடைய பெண்களையும் இது குறிக்கும். அவர்கள் ஒவ்வொரு நாளுக்கும் பகரமாக ஓரு ஏழைக்கு உணவளிக்கட்டும் என்று கூறினார்கள்.’ (நூல்: ஸஹீஹுல் புகாரி-4505)
~~~~~~~~~~~~~~~~~~~~~~~~~~~~~~~~~~~~~~~~~~~~~~~